Волейболдан жарыс

Волейбол бүкілдүниежүзіне тез әрі кең тараған спорттық ойын. Бұл ойынның пайда болғанына да баскетбол сияқты жүз жылдай уақыт өтті. Волейбол спорттың қызықты және қолайлы түрлерінің бірі болып есептеледі. Бұл ойынның кең тарауына ережесінің қарапайымдылығы мен орындалатын қимыл- қозғалыстарының күрделі еместігі, сонымен бірге волейболды кез-келген жастағы адам ойнайалатындығы себеп болады.
Біздің де кентімізде волейбол ойынына ерекше көңіл бөлінуде.
Еңбек пен спортты ұштастыру — Елбасы жолдауларында көрсетілген басым бағыттарды жүзеге асыруға деген ұмтылысты көрсетеді.30 қараша күні Жаңғызтөбе кент округінің мекемелерінің қызметкерлері арасында 1 желтоқсан – Қазақстан Республикасының Тұңғыш Президенті күніне орай волейболдан ойынынан жарыс өткізілді. Жарысқа 8 ерлер мен 6 әйелдер командалары қатысты. Елбасының салауатты өмір салтын қалыптастыру туралы игі бастамасы бірауыздан қолдау тауып, спорттық жарыстарға қатысушылар санының жылдан – жылға көбейіп келе жатқандығы көңілге үлкен қуаныш ұялатады.Ойынның ашылуына байланысты кент округінің әкімі Е.Т.Закимов мерекеге орай құттықтау сөзін айтып, ойыншыларға сәттілік тіледі.
Ойынның нәтижесі бойынша жеңімпаздар анықталып, марапатталды.