«Көңілді демалыс»
«Көңілді демалыс»
«№236 орта мектебі жанындағы «Балдырған» жазғы демалыс лагері 1Маусымнан бастап жұмыс істеуде. Бірінші ауысымда 40 бала қамтылды. Лагерь тәрбиешілері балалардың жақсы демалу үшін қызықты бағдарламалар түрлерін жоспарлап, балалардың қызығушылықтарын арттыруда. Лагерьдің ашылу салтанатына орай жергілікті әкімшіліктен әр түрлі сыйлықтар тарту етілді және әр балаға балмұздақ үлестірілді.
Сонымен қатар жоспарға сәйкес Қалбатау ауылындағы саябаққа барып, көңілді демалып қайтты. Тағы да бір балалардың естерінде қалатын Өскемен қаласындағы Этноауыл кешеніне бару болды. Мұнда әртүрлі ұлттың мәдени тұрмысымен танысу, әскери қалашығында ұйымдастырылған көрмені тамашалау, хайуанаттар бағындағы жануарларды көру балалардың көңілдерінен шықты. Әрине балаларға арналған ойын-сауық алаңдары да назардан тыс қалмады. Осы сапарға көлік беріп, демеушілік танытқан 2544 әскери бөлімшесінің командирі К.А.Суттикожанов пен сол әскери бөлімінің қызметкері, мектебіміздің ата-анасы Н.А.Абдуллаевқа алғысымыз шексіз.
Ата-ана, ұстаз, бала – осы үш одақтың берік ынтымағының арқасында «Балдырған» жазғы демалыс лагері жақсы көңіл-күйде өтуде.
«Балдырған» демалыс лагерінің
І ауысым басшысы Л.Н.Оспанова
